اسلام آباد۔21نومبر (اے پی پی) د خزانې وفاقي نګران وزيرې ډاكټر شمشاد اختر وئيلي دي حكومت د مجموعي قامي پېداوار به تناسب سره د ټېكس شرح زياتولو او د كرنټ اکاؤنټ خسارې لا كمولو عزم لري۔ دې دا خبره د نهې په ورځ په پاكستان كښې د هالېنډ سفيرې مسز بيني ډوډي رائز سره د ملاقات په مهال خپلو خبرو كښې وكړه۔ په ملاقات كښې د پاكستان او برطانيې ترمېنځه د دوه اړخيزه اقتصادي اړيكو د بېلا بېلو اړخونو جاج واخستلے شو۔ د اقتصادي چارو ډويژن سيكرټري او نور اړوند چارواكي هم ملاقات كښې موجود وو۔ د نېدر لېنډ سفيرې آئي اېم اېف سره د سټاف په كچه د لوظنامې په كولو او د هېواد به مجموعي اقتصادي وضعه كښې په بهترۍ د خزانې وزيرې ته مباركي وركړه۔ نګران وزيرې د نېدر لېنډ سفيره په بېلو څانګو او په خاص توګه د اېف بي آر په مشرۍ كښی د ټېكس بنياد پراخه كولو لپاره د پورته كړو ګامونو په اړه خبر كړه۔ دې ووئيل حكومت د مجموعي قامي پېداوار په تناسب سره د د ټېكس شرح زياتولو او د كرنټ اکاؤنټ خسارې لا كمولو عزم لري۔ د نېدر لېنډ سفيرې د اقتصادي بحالۍ او د كركيلې ٬ خذمات او صنعت په څانګه كښی د مثبت پېشرفت ستائنه وكړه۔ دې د نیدرلېنډز لخوا پاكستان كښې د سرمايه كارۍ كولو د لوظ پخلے وكړو۔ دغسې نګران وفاقي وزيرې د استفادې لپاره نېدر لېنډ سره د سفارتي اړيكو پياوړې كولو له خپل عزم تكرار كړو
حكومت د مجموعي قامي پېداوار به تناسب سره د ټېكس شرح زياتولو او د كرنټ اکاؤنټ خسارې لا كمولو عزم لري٬ د وفاقي وزيرې ډاكټر شمشاد اختر پاكستان كښې د نېدر لېنډز سفير سره ملاقات كښې خبرې
مضمون کا ماخذ : ڈوپلا سینا