اسلام آباد ۔ 18 مارچ (اے پی پی) وفاقی وزیر مواصلات تے ڈاکخانہ مراد سعید اتے موسمیاتی تبدیلی دی وزیر مملکت زرتاج گل آکھیے جو درخت انسانی زندگی کوںاوکھ توں بچاونڑ اچ اہم کردار ادا کریندن، 2013ءتوں پہلے حکومتاں خیبر پختونخوا اچ بے دردی نال درختاں کوں کٹیا۔ انہاں خیالیں دا اظہار سنوار کوں اتھاں صاف ستھرا اتے سرسبز پاکستان دے حو??لے نال 7 ڈینھاں دی شج?? کاری مہم ??ے سلسلے اچ مفاہمتی یادداشت تے دستخطاں دی تقریب نال خطاب کریندے ہوئیں کیتے۔ مفاہمتی یادداشت تے دستخط پارکس اینڈ ہارٹیکلچر اتھارٹی اتے نیشنل ہائی وے اتھارٹی وچال کیتے گئے ۔ ایں موقع تے سیکرٹری مواصلات شعیب صدیقی، چیئرمین این ای?? اے جواد رفیق ملک، چیف کمشنر راولپنڈی جودت ایاز، ڈپٹی کمشنر اسلام آباد حمزہ شفقات، آئی جی موٹروے پولیس جان محمد خان سمیت اعلیٰ حکام وی موجود ہن۔ مراد سعید ایں موقع تے آکھیا جو پی ای?? اے اتے این ای?? اے قومی سڑکاں کوں سرسبز رکھنڑ سانگے ذمہ داری چاتی ہے، ایں سانگے این ای?? اے دی سانجھداری نال سارے ملک اچ شجرکاری مہم ??روع کیتی گی ہے ، مہم ??چ ملک دیاں ساریاں یونیورسٹیاں، کالجاں اتے سکولاں دے طلباءتے طالبات کوں وی حصہ دار بنرایا ویسی اتے ایندے علاوہ مقامی نمائندے وی ایندے اچ شامل ہوسن۔ ایں سانگے اساں ہک سو کلومیٹر روڈ ماڈل دے طورتے پیش کرنڑ دامنصوبہ تیار کیتے، ایں روڈ دے ماڈل حصے اچ درخت لا تے اینکوں ہک اعلیٰ نمونے دے طورتے سارے ملک اچ شاندار طریقے نال پیش کیتا ویسی۔ انہاں آکھیا جو لہور عبدالحکیم موٹروے 30 مارچ کوں عوام سانگے کھول ڈتا ویسی، ٹول پلازاں تے رش مکاونڑ سانگے خصوصی پروگرام شروع کریندے پئے ہسے ۔ انہاں ڈسایا جواین ای?? اے ہنڑ تئیں مالیات دی مد اچ 19 ارب روپے ودھارا کیتے،انشاءاللہ آونڑ آلے ویلھا اچ باقی سارے ادارے وی خود مختار بنڑسن۔ موجودہ حکومتی اقدامات نال این ای?? اے دے ریونیو کوں اساں ملک اچ بالاں دی تعلیم اتے شہریاں دی صحت تے خرچ کرنڑ سانگے وفاقی حکومت کو ں ڈیسوں،اتے لوکیں کو ں صاف ستھرا ماحول ڈیسوں۔وزیر مملکت زرتاج گل ایں دوران خطاب کریندے ہوئیں آکھیا جو سرسبز، شاداب اتے صاف ستھراماحول انسانی رویے بدلنڑ اچ اہم کردار ادا کریندن اتے ایہو وژن عمران خان دا ہے جو اساںپاکستان کوںسرسبز ،شاداب اتے صاف ستھرا بنڑیسوں۔ انہاں آکھیا جو قدرتی آفاتاں توں ملک اتے انساناں کوں بچاونڑ سانگے درخت لاونڑ ضروری ہے اتے ا یہ فرض اساں خود ادا کریسوں۔
وفاقی وزیر مواصلات تے ڈاکخانہ مراد سعید اتے موسمیاتی تبدیلی دی وزیر مملکت زرتاج گل دا تقریب نال خطاب
مضمون کا ماخذ : پاور بال آن لائن خریداری
متعلقہ مضامین
