اسلام آباد۔24دسمبر(اے پ?? پی)صدر مملکت آصف علی زرداری بانیِ پاکستان قائداعظم محمد علی جناح دے 148 ویں ڄمݨ ݙینھ تے انہاں کوں خراج عقیدت پیش کریندے آکھیے جو اڄ دے ݙینھ اساں بابائے قوم دی قوم کیتے خدمات تے سلام پیش کریندے ہیں ڄئیں ہک سیاسی جدوجہد نال تاریخ دا رخ مو??یے، قائداعظم محمد علی جناح دے وژن، عزم و استقلال پاروں ہی برصغیر دے مسلماناں کیتے ہک آزاد وطن ٻݨیے۔ قائد اعظم محمد علی جناح دے ڄمݨ ݙینھ تے اپݨے سنیہے اچ صدر مملکت آکھیے جو ساݙی تاریخ دے نازک ترین دور اچ قائداعظم دی قیادت انہاں دیاں غیر معمولی صلاحیتاں دا ثبوت اے، انہاں ہک وکیل، مدبر اتے آل انڈیا مسلم لیگ دے رہنما دے طور تے مسلماناں دے حقوق دی بھرپور وکالت کیتی اتے پاکستان دا ??قدمہ ٻہوں وضاحت اتے یقین نال پیش کیتے، بابائے قائد ہک اینڄھا انڄھ وطن ڳھنݨ دی جدوجہد کیتی جتھاں مسلمان آزادی نال اپݨے مذہب، تہذیب و ثقافت اتے سیاسی و معاشی حقوق دا تحفظ کرسڳن۔ بابائے قائد دے وژن دے مطابق اساں پاکستان اچ قانون دی حکمرانی، اقلیتاں دے حقوق دے تحفظ اتے ہر شہری، بلاتفریق مذہب، ذات و نسل ریاست دے سامݨے ہکو سواں ٻݨاوݨ کیتے پرعزم ہیں۔ صدرمملکت آصف علی زرداری آکھیے مختلف شعبیاں اچ ترقی دے نال نال ہک خوشحال اتے انصاف آلی قوم ٻݨݨ دا ??ندھ ٹردا ??ئے، جمہوری اتے خود کفیل پاکستان دے وژن سانڳے سماجی انصاف، معاشی مساوات اور قانون دی حکمرانی دی اقدار برقرار رکھݨ کیتے حالی وݙا کم کرݨ دی لوڑھ اے، ہک پرامن اتے اعتدال پسند پاکستان دے خواب دی تکمیل کیتے ساکوں اپݨیاں سرحداں دے اندرو اتے ٻاھرو ہم آہنگی ودھاوݨی اے۔
قائداعظم محمد علی جناح دے وژن، عزم و استقلال پاروں ہی برصغیر دے مسلماناں کیتے ہک آزاد وطن ٻݨیے، صدر مملکت آصف علی زرداری دا بابائے قائد دے ڄمݨ ݙینھ تے سنیہا
مضمون کا ماخذ : پاکستان لاٹری ٹکٹ
متعلقہ مضامین
