اسلام آباد۔15فروری(اے پی پی):کنوینئر ورلډ مینارټیز الائنس او پخواني وفاقي وزير جولېس سالك په نړيواله ورورولۍ زور راوړے دے چې هغه دې د انسانيت او امن تحفظ له د جنګ باوجود د امن هڅې روانې وساتي۔ د شورؤ په ورځ په خپل بيان كښې جے سالك په كال 1994 كښې د جنګ ځپلې بوسنيا خپلې دورې ذكر كولو سره ووئيل ما بوسنيا كښې د مسلمانانو او مسيحيانو ترمينځه مذهبي همغږۍ ته د ودې وركولو هڅې وكړې ځكه چې دغه وخت جنګ د مسلمانانو وينه بهولې وه۔ جے سالک ووئيل د دغه وخت وزيراعظمې شهيدې بنظير بھټو ما ته د خپلې دورې منسوخ كولو خواست وكړو ولې چې په ملګرو ملتونو كښې په دغه مهال د امن مندوب جمشېد مارك هغې ته وئيلي وو چې په منطقه كښې د لويې كچې شخړو دلاسه حالات سم نه دي۔ ده ووئيل ما وزيراعظې ته وئيلې وو چې كه دا بوسنيا ته زما د تللو په لاره كښې ركاوټ وي نو بيا زه خپله استعفی وړاندې كولې شم۔ ده وئيل وزيراعظمې په كروشيا كښې د پاكستان د سفير تصديق څخه وروستو ماته اېن او سي جاري كړه۔ په كروشيا كښې سفير خپله رضامندي ښكاره كړه او وزيراعظمې ماته په 20 دسمبر 1994 بوسنيا ته د تللو اجازه راكړه۔ جے سالك ووئيل چې كروشيا ته د رسېدو څخه وروستو مونږ سفير سره په چارټرډ یو اېن پلان كښې بوسنيا ته روان شؤ۔ پخواني وفاقي وزير ووئيل زمونږ الوتكه 17 ورځې پس د بوسنيا په هوائي مېدان كوزېدونكې اولنۍ الوتكه وه ولې چې دې څخه وړاندې د ملګرو ملتونو د خوراك يوه الوتكه د بمبارۍ د لاسه تباه شوې وه او ملګرو ملتونو د نورو پروازونو نه لېږلو احتجاج كړې وو۔ خو زمونږ په خاص خواست هغه بوسنيا ته لاړو ولې چې مونږ اپيل كړې وو چې مونږ په 25 دسمبر د امن دعا لپاره رسېدل غواړؤ۔ كله چې مونږ دغلته ورسېدو نو تياره وه او هوائي مېدان د شګو له ټوپونو څخه ډك وو۔ جے سالك ووئيل چې دې څخه وروستو زمونږ پلاوې د يو ټېنك د لارې د بوسنيا ښار يوې ګرجې ته ورسېد چرته چې بشپ عبادت كولو۔ كله چې ده ته ووئيلې شؤ چې د پاكستان وفاقي وزير جے سالك ده سره غمرازۍ كولو له راغلې دې نو د هغه په سترګو كښې اوښكې راغلې۔ ده ووئيل مونږ د جنګ ژوبل شويو تپوس پوښتنې له روغتون ته تلې وو۔ ده ووئيل ما خپل كرسمس د بوسنيا كوچنيانو سره ولمانځو او بل كرسمس مې كشميري كوچنيانو سره د كډوالو په كېمپ كښې ولمانځو۔ ده ووئيل زه د خپل پروردګار مننه كوم چې هغه د نورو سهارا جوړېدو لپاره ماته او زما هڅو ته دومره عزت او احترام وركړو۔ کنوینئر ډبلیو اېم اے ووئيل چې هوائي جهاز نه وو ٬ په آخر كښې بيا يو مال اوړنكې جهاز راورسېد په كوم كښې چې د خوراك څښاك څيزونه وو۔ مونږ سفير سره په دې كارګو الوتكه كښې بېرته راغلو۔
نړيواله ورورولي دې د جنګ باوجود امن لپاره هڅې دوامدارې وساتي ٬ جے سالك
مضمون کا ماخذ : ڈریگن کی قسمت
متعلقہ مضامین
.jpg)
.jpg)
