اسلام آباد۔21مئی (اے پی پی) د چين پاكستان سفارتي اړيكو 72 مې كاليزې په مناسبت سره په چينائي سفارت كښې پاكستاني سفارتكارو د “چین پاکستان ځانګړې ملګرتيا او روښانه سباؤن ” په سرخط د اسقباليې دستوره وشوه۔ خاص مېلمه د چینائي سفارت خانې ناظم الامور پېنګ چنکسو، د پاکستان خارجه سېكتر ډاكتر اسد مجيد خان او د فارن سروس اكېډمۍ ډي جي مظهر جاوېد د استقباليې دستورې ته خطاب وكړه۔ دستوره كښې د چينائي سفارت چارواكو ٬ په چين كښې د پاكستان پخوانو سفيرانو او زلمو پاكستاني سفارتكارانو ګډون وكړو۔ پېنګ چنکسو چينائي سفارتخانې په راتللو ملګرو مېلمنو ته هركلې ووې۔ ده په دې خبره زور راوړو چې د چين او پاكستان اړيكې په اولسي ملاتړ او مهمو عملي ضرورتونو مشتمل دي۔ ده ووئيل سږ كال د صدر شي جن پنګ د تجويز كړې شوي’بېلټ اېنډ روډ انېشیټو‘ او د چین پاکستان اقتصادی راهدارۍ پېل كېدو 10 مه كاليزه ده۔ ده ووئيل د دواړو اړخونو د ګډې هڅو سره سی پېک په صنعت، كركيله ٬ آئی ټی، آفتونو څخه د بچ كېدو او د تخفيف غربت په څير نورو څانګو كښې په زړه پورې نتيجې ترلاسه كړې دي كوم چې د پاكستان اقتصادي او سماجي پرمختګ ته وده وركولو ٬ د پاكستان انفراسټركچر اپ ګرېډ كولو او ددې په پياوړې كولو كښې مهم كردار ترسره كړې دې۔ سي پېک د پاکستاني ولس د خېر ښیګړې ٬ د خلکو تر منځ د اړيکو د پياوړتيا او د سيمه ييزو اړيکو د پراخولو له امله د چين او پاکستان د همکارۍ يو مشهور سمبول ګرځېدلی دے۔ ده زياته كړه چې د صدر شي جين پېنګ په قوي رهبرۍ كښې چين د جديديت عمل استقامت سره مخ په وړاندې بيائي۔ چين د پاكستان په شمول پرمختګ كوؤنكو هېوادونو ته په چينائي جديديت كښې نوې كاميابو سره سره نوې موقعې برابروي۔ ده ووئيل د پرمختګ كؤونكو هېوادونو په حېث چين او پاكستان دواړه د پرله پسې پرمختګ لارې لټوي چې د دوی له ملي وضعې سره سمون ولري او دواړه هېوادونه په فعاله توګه د نړيوالې سولې او ثبات د ساتلو لپاره کار کوي۔ د چين د سفارت ناظم الامور پنګ چنګسو زياته كړه چې 5 مئي څخه تر 6 مئي د چين رياستي كونسلر او خارجه وزير كن ګېنګ د پاكستان كاميابه دوره وكړه كومه چې د پاك چين اړيكو او د دوه اړخيزه همكارۍ په پياوړتيا او دې ته لا پراختيا وركولو كښې زيات اهميت لري۔ دستورې ته خپل خطاب كښی د بهرنيو چارو سېکتر ډاکټر اسد مجيد خان د چين او پاکستان ترمنځ د بې مثاله ملګرتيا او همكارۍ په كاميابو كښې د دواړو هېوادونو د پخوانو سفارتكارو د مرستې ستائنه وكړه۔ ده وئيل په پاكستان كښې د چينائي سفارتخانې د كمپاؤنډ بدلون پخپله د دواړو هېوادونو ترميځه د ملګرتيا د پراختيا ګواهي وركوي۔ چين د خپلې سفارتخانې عقبي كمپاؤنډ پاكستان ته سپارلې كوم چې فارن سروس اكېډمي جوړ شو او نوې كمپاؤنډ په بهر هېوادونو كښې چينائي سفارتخانو كښې تر ټولو لويې كمپاؤنډ جوړ شو۔ ده د دې خبرې ستائنه وكړه چې چين تل د پاکستان د خپلواکۍ، د مالي ثبات ٬ آزادۍ او پرمختګ مرسته او ملاتړ كړې دې۔ ده زياته كړه چې چين پاکستان اقتصادي راهدارۍ سره د پاكستان په معيشت او ټولنه كښې سوكالي رامخې ته شوې او پرمختګ شوے دے په كوم چې پاكستان د چين مننه كوي۔ ده ووئيل د بېلټ اېنډ روډ انېشېټو 10 مه كاليزه او د سي پېك د پیل كېدو مناسبت سره چين او پاكستان بايد په ګډه دا يادګاره ګھړۍ ولمانځي۔ ده زياته کړه اوس چې د چين او پاکستان د دوستۍ بيرغ د سفارتكارو نوي نسل ته سپارل شوې، هيله ده چې د دواړو هېوادونو سفارتكار به په ګډه د چين او پاکستان ترمنځ د ګډې راتلونکې ټولنې د جوړولو لپاره ګډ کار وکړي۔ په دې موقع د پاکستان زلمو سفارتكارو ووئيل چې په دې غونډه کښې هرکلے ډېر تود او الهام بخښونکے و چې د چين او سي پېک په اړه يې د دوی پوهه زياته کړه او د دواړو هېوادونو د زلمو سفارتكارو ترمنځ دوستي به لا پياوړې کړي۔
د چين پاكستان سفارتي اړيكو 72 مه كاليزه ٬ په چينائي سفارت كښې پاكستاني سفارتكارو د “چین پاکستان ځانګړې ملګرتيا او روښانه سباؤن ” په سرخط د اسقباليې دستوره
مضمون کا ماخذ : لاہور لاٹری
متعلقہ مضامین
