منامہ ۔ 6 فروری (اے پی پی) کشمیریاں نال اظہار یکجہتی سانگے پاکس??ان اتے بئے ملکاں وانگوں بحرین اچ وی یوم یکجہتی کشمیر منایا گیا۔ ایں مناسبت نال بحرین اچ پاکستانی سفارتخانے اچ ہک تقریب منعقد کیتی گی جیں اچ سینیٹر لیفٹیننٹ جنرل (ر) عبدالقیوم مہمان خصوصی ہن۔ تقریب نال خطاب کریندے ہوئیں سینیٹر لیفٹیننٹ جنرل (ر) عبدالقیوم آکھیا جو کشمیری عوام دا جذبہ گولیاں تے ظلم و جبر نال دبایا نی ونج سگدا ۔ کشمیری عوام دیاں قربانیاں رنگ گھن آسن او ڈینھ پرے کائنی جڈاں بھارت کوں اقوام متحد?? دیاں قرارداداں دے مطابق کشمیری عوام کوں انہاں دا حق ڈیونڑاں پوسی ۔ انہاںآکھیا پاکس??ان کشمیری عوام دا حق خود ارادیت دا مسئلہ ہر فورم تے چاتے۔ انہاں انسانی حقوق دے تحفظ دیاں عالمی تن??یماں تے اقوام متحدہ توں مطالبہ کیتا جو مقبوضہ کشمیر اچ بھارتی فوج دے ہتھوں انسانی حقوق دی پامالی بند کراون ۔تقریب دے چھیکڑ تے بحرین اچ پاکستانی سفارتخانے دے قائمقام سفیر مراد علی ??زی?? یوم یکجہتی کشمیر دے حوالے نال صدر پاکس??ان ممنون حسین اتے ??زی?? اعظم شاہد خاقان عباسی دا خصوصی پیغام پڑھ تے سنڑایا جیں اچ آکھیا گیا جو پاکس??ان کشمیری عوام دے نال اظہار یکجہتی کریندے ہوئیں انہاں دی ہر سطح تے اخلاقی اتے سفارتی مد?? جاری رکھیسی تے کشمیری بھراواں کوں کہیں وی سطح تے کلہا کائناں چھوڑیسی ۔
کشمیری عوام دا جذبہ گولیاں تے ظلم نال دبایا نی ونج سگدا ، سینیٹر لیفٹیننٹ جنرل (ر) عبدالقیوم دا بحرین اچ یوم یکجہتی کشمیر دی تقریب نال خطاب
مضمون کا ماخذ : پاور بال کا ٹکٹ
متعلقہ مضامین
