راولپنڈی۔31مارچ (اے پی پی): پاک بحریہ دے مقامی طور تے تیار کیتے ڳئے فاسٹ اٹیک کرافٹ میزائل پی این ایس ہیبت دی کمیشننگ ??تے تریجھے 16 ٹن بولارڈ پل ٹگ PNT GOGA دی شمولیت دی ت??ری?? کراچی اچ منعقد تھئی ۔ پاک فوج دے شعبہ تعلقات عامہ موجب ت??ری?? دے مہمان خصوصی چیف آف دی نیول سٹاف ایڈمرل محمد امجد خان نیازی ایں موقع تے خطاب کریندے ہوئیں آکھیے جو پی این ایس ہیبت دا آغاز مقامی ڈیزائن ??تے تعمیر اچ ھک نویں باب دا آغاز کریندے جیڑھا جو ویلھے دے نال نال مزید پختہ تھی ڳئے ۔ انہاں ایں ڳالھ تے زور ݙتے جو خطے دی مجموعی سکیورٹی دے تناظر اچ پی این ایس ہیبت سمندری دفاع کوں یقینی بݨاوݨ تے بحر ہند دے خطے اچ امن و استحکام کوں برقرار رکھݨ دے سلسلے اچ بحری چیلنجاں دا جواب ݙیوݨ کیتے پاک بحریہ دیاں صلاحیتاں کوں مضبوط کریسی ۔ انہاں کے ایس اینڈ ای ڈبلیو، ایم ٹی سی ??تے پاکستان نیوی دی طرفوں کیتی ونڄݨ آل?? مشترکہ کوششاں دی تعریف کیتی ، ایندے توں پہلے کے ایس اینڈ ای ڈبلیو دے منیجنگ ڈائریکٹر ریئر ایڈمرل اطہر سلیم ایں ڳالھ تے زور ݙتے جو میزائل کرافٹ پی این ایس ہیبت ھک کثیر مشن دے قابل پلیٹ فارم ہووݨ دی وجہ توں پاک بحریہ دی میری ٹائم دفاعی صلاحیتاں کوں تقویت ملسی ۔ انہاں مزید آکھیے جو PNT GOGA دی شمولیت وی ھک سنگ میل اے جیں توں مقامی جہازاں دی تعمیر دیاں صلاحیتاں کوں تقویت ملسی ۔ ت??ری?? اچ غیر ملکی معززین، وفاقی ??تے صوبائی حکومتاں پاکستان نیوی ??تے کے ایس اینڈ ای ڈبلیو دے حکام شرکت کیتی ۔
پاک بحریہ دے مقامی طور تے تیار کیتے ڳئے فاسٹ اٹیک کرافٹ میزائل پی این ایس ہیبت دی کمیشننگ اتے تریجھے 16 ٹن بولارڈ پل ٹگ PNT GOGA دی شمولیت دی تقریب
مضمون کا ماخذ : لاٹری ٹکٹ کی دستیابی
متعلقہ مضامین
