اسلام آباد 12 اګست (اے پي پي)وزيراعظم شهباز شريف وئېلي دي حكومت معيشت ديواليه كېدو نه ساتلے دے ٬د پاكستان او تركيې ترمينځه تجارتي لوظ نامه به د سباؤن تجارتي اړيكو د اړخ تعين وكړي۔په دريو كلونو كښې به دوه اړخيزه تجارتي حجم 5 ارب ډالره ته رسوو۔په درآمدي ايندهن خرڅ كېدونكې قيمتي زرمبادله بچ كولو لپاره به د اوبو څخه برېښنا پیدا كولو٬په شمسي توان او د سيلۍ څخه د برېښنا پیدا كولو پشان په نورو متبادلو ذريعو انحصار كوو٬د تركيې كمپنۍ دې په پاكستان كښې د اوبو څخه د بېرښنا پیدا كولو په پروژو كښې سرمايه كاري وكړي۔د سرمايه كارۍ په لار كښې هر ډول خنډ به لرې كولې شي۔د ګټې په منتقلۍ كښې به وخت نه لګي۔ده دا خبرې د جمعې په ورځ د تركيې د تجارت وزير مهمت موش په درنښت كښې راجوړی شوې دستورې ته په خپله وېنا كښې وكړی۔په دستوره كښې وفاقي وزيرانو٬د پارليمان غړو او اعلٰی چارواكو ګډون وكړو۔وزيراعظم ووئيل تركيې سره مونږ د مصنوعاتو د تجارت تاريخي لوظ نامې كړي٬د تركيې صدر رجب طيب اردوان په لارښونه او د پاكستان حكومت په مرسته د تجارت وزير نويد قمر او د تركيې وزير مهمت موش او هغوي ډلې لويه كاميابي ترلاسه كړی۔دا لوظ نامه زمونږ د ورورولۍ او زمونږ د قوي اړيكو عكاسي ده۔ ده ووئېل دې لوظ نامې سره به زمونږ د سباؤن د تجارتي اړيكو د اړخ ټاكنه وشي او د دواړو هېوادونو كاروباري ټولنې ته به ګټه ورسي۔ده ووئيل د پاكستان او تركيې ترمينځه دوه اړخيزه تجارتي حجم به په راتلونكو دريو كلونو كښې 5 ارب ډالرو ته رسوو۔وزيراعظم ووئيل د مئي په مياشت كښې د تركيې دورې په مهال د ده تود هركلے شوے ؤ ۔هلته د تركيې كاروباري شخصيات سره هم ملاقاتونه شوي وو۔كاروباري ټولنې لپاره دا لوظ نامه يوه لويه موقع ده او بايد دوي د دې څخه استفاده وكړي۔ ده ووئېل تركيه د اوبو څخه د برېښنا پیدا كولو د پروژو لويه تجربه لري٬مونږ دوي ته پاكستان كښې په پروژو كښې د سرمايه كارۍ بلنه وركوو۔د دوي د سرمايه كارۍ به هر كلے كولې شي۔ ده ووئېل په دې څانګه كښې پاكستان كښې پراخه موقعې شته خو تراوسه ترې استفاده نه ده شوې۔ده ووئيل زمونږ د درآمدي ايندهن بل 20 ارب ډالر ته رسېدلے دے او دا پاكستان نشي زغملے ځكه متبادل توان او د قابل تجديد توان وسيلو ته پام لرنه كوو۔
حكومت معيشت ديواليه كېدو نه ساتلے٬د پاكستان او تركيې ترمينځه تجارتي لوظ نامه به د سباؤن تجارتي اړيكو د يو اړخ تعين وكړي۔وزيراعظم شهباز شريف
مضمون کا ماخذ : جادوئی اسپن
متعلقہ مضامین
