اسلام آباد 03 جولائي (اے پي پي) د وفاق او وفاقي برخو، پاك پوځ، اړوندو وزارتونو او ادارو ترمېنځه د بې مثاله مرستې او وركنګ ريلېشن په سبب كورونا وائرس ته ماتې وركولو لپاره په اتفاق قومي هڅې مخ په وړاندې روانې دي، د نېشنل كمانډ اېنډ آپرېشن سنټر ﴿اېن سي او سي ﴾ لخوا د كورونا وائرس په ضد مبارزه په وړومبنو 100 ورځو كښې د پاكستاني قوم د كلك عزم، وفاقي او صوبائي همغږي ٬ سول او پوځي همكاري د اولسي باور مظهر ثابت شوې ، د مارچ په 27مه نېټه د اېن سي او سي د جوړېدو نه تر اوسه يوازې په سلو ورځو كښې د يو زر اووه سوه نه زيات ساعته غور او مشاورت په فېصله سازې كښې د ملا تير ثابت شوے ، په 65 هېوادونو كښې ايسار د يو لك نه زيات پاكستانيان د پي آئي اے او د غېر ملكي 478 پروازونو د لارې وطن ته رواستلې شوي ، د ټېسټنګ صلاحيت د 472 نه د ورځې په بنياد 50 زره او د ليباټرو شېمره د 2 نه 132 ته رسولې شوې، په اسلام آباد كښې په 35 ورځو كښې آئسولېشن روغتون او انفېكشن ټريټمنټ سنټر جوړ كړے شوے، په دې وخت كښې په هېواد كښې د كورونا رنځورانو لپاره 1562 وېنټي لېټرز موجود دي، نور 1895 وېټني لېټرز به ډېر زر وركړے شي، د رېمپ اپ پلان له مخې د اسلام آباد روغتونونو ته 41 وېنټي لېټزر وركړے شوي، تر څلورو واړو صوبو، آزاد كشمير او ګلګت بلتستان د طبي وسيلو وركړه باوري كړې شوې، د وزيراعظم او د سرلښكر پشمول سروسز چيفس، غېر ملكي سفيرانو، دفاعي اتاشيانو، ملكي و غېر ملكي مېډيا، چينائي پوځ او سول پلاويو د كمانډ سنټر دوره كولو سره كاركردګي ستائيلې، نېشنل كمانډ اېنډ آپرېشن سنټر د يو موټي، متحد او پرعزم پاكستان حقيقي عكس ثابت شوے. د 100 ورځو په ترسره كېدو د نېشنل كمانډ اېنډ آپرېشن سنټر ﴿اېن سي او سي﴾ لخوا د جاري راپور له مخې پاكستاني قوم تل د چېلنجونو او په خاص توګه د قدرتي آفتونو په ضد چې د كوم يووالي، عزم او د همت څرګندونه كړې، كورونا د دغې تازه مثال دے. په يو داسې وخت كښې چې كله نړۍ د دې قدرتي وبا په وړاندې ستونزو سره مخ وه، پاكستان او په خاص توګه اولس او نورې ادارې د دې وبا په ضد د الله په مرسته د يو اتحاد په شكل كښې رامخې ته شوي. د خېبر نه تر بولان، د جامشورو نه تر چولستان، د مظفر آباد نه تر ګلګت بلتستان هر پاكستانے د هغې جذبې او همت استعاره ده كوم ته چې مونږ پاكستان وايو. د فرورې په 26مه نېټه په پاكستان كښې د وړومبي كېس رامخې ته كېدو نه تر اوسه تر دومره ورځو د پاكستان حكومت نه يوازې د اولس خېر ښېګړې لپاره مهم ګامونه پورته كړي ، بلكې په هره څانګه كښې ئې صلاحيت زيات كړے. د نړۍ برعكس په پاكستان د الله رب العزت خاص كرم دے. په هر يو چېلنج كښې فاتح جوړېدو سره رامخې ته كېدونكي پاكستانے قوم د كورونا وائرس په ضد هم ثابت قدم، متحد او پرعزم دے. هېواد كښې د يوالي څرګندونې لپاره نېشنل كمانډ اېنډ آپرېشن سنټر د كرونا وائرس وباء په ضد قامي هلو ځلو ته وده وركولو،د صحت څانګې بهترۍ، اولس ته په وخت د اطلاعات رسنه كښې مركزي كردار تر سره كړے ٬ اېن سي او سي په سمدستي توګه د ورځې په بنياد د اېجنډې جوړول او سفارشات درقامي مرستې كمېټۍ لېږي٬ نېشنل رورل سپورټ پروګرام سره په 66 ضلعو كښې په كميونټي موبلائزېشن په فعاله توګه كار كوي او ګرد هېواد كښې انتظاميې سره معاونت كوي٬ په دې لړ كښې پاك پوځ بشپړه مرستې لپاره ټول وسائل ٬ زياتره اثاثې ٬ سپاه٬ روغتونونه٬ لېبارټريز وقف كړي۔ حکومت د لاك ډاون په مهال د خواري كښو پشمول يو كروړه 23 لكه نه زيات خلق د لوږې او تنګسيا نه ساتلو لپاره د 26م مارچ څخه احساس هنګامي كېش پروګرام پېل كړے چې له مخې ئې تر اوسه 148 اربه نه زياتې روپۍ تقسيم كړې شوي٬ د برېښنا په بلونو كښې 1200 اربه روپۍ ريليف وركړے شوے ٬ په 65 هېوادونو كښې ايسار د يو لك نه زيات پاكستانيان د پي آئي اے او غېر ملكي 478 پروازونو د لارې هېواد ته رارسولې شوي۔ په قامي كچه نېشنل كمانډ اېنډ آپرېشن سنټر د كرونا واېرس وباء په ضد كوټلې تګلاره وضعه كړې٬ هره ورځ د شمېرو رامخې ته كولو٬ تجزيې او په بحراني كېفيت كښې صلاحيتونه زيات كړې شوي٬ د ټېسټنګ صلاحيت د 472 نه په يوه ورځ كښې د 50 زره نه زيات كړے شوے٬ د لېب شمېره د دوو نه 132 ته رسولې شوې ٬ په اسلام آباد كښې په 35 ورځو كښې د 250 بېډز آئسولېشن روغتون، انفېکشس ټریټمنټ سنټر بشپړ كړې شوي كوم چې به د جولائي په مېنځ كښې كار پېل كړي۔د رېمپ اپ پلان د لارې ګرد هېواد كښې د بېلا بېلو روغتونونو استطاعت زياتولو لپاره د آکسیجن بېډز او وینټیلیټرز شمېره زياتولې شي٬
د وفاق او وفاقي برخو، پاك پوځ، اړوندو وزارتونو او ادارو ترمېنځه د بې مثاله مرستې او وركنګ ريلېشن په سبب د كورونا وائرس ته ماتې وركولو لپاره په اتفاق سره قومي هڅې مخ په وړاندې روانې دي
مضمون کا ماخذ : لیپریچون کی خوش قسمتی۔
متعلقہ مضامین
