اسلام آباد۔31جنوری(اے پی پی) د خزانې وفاقي وزير اسحاق ډار وئيلي دي پاكستان آئي اېم اېف سره د پروګرام سرته د رسولو عزم لري٬ د 9 مې جائزې ترسره كولو له به آئي اېم اېف مشن سره بشپړه مرسته كولې شي٬ حكومت د برېښنا او ګاز په شمول د معيشت په بېلو څانګو كښې د اصلاحاتو لړۍ پېل كړې ده۔ ده دا خبره د نهې په ورځ د نړيوال مالياتي فنډ جائزه مشن سره ملاقات كښې وكړه۔ د آئی اېم اېف د پلاوي مشري د آئي اېم اېف مشن چيف نتھن پورټر كوله۔ په دې موقعه د آئي اېم اېف ریذیډنټ نمائندہ ایسترفیرس روئیس ٬ د خزانې وزير مملكت عائشہ غوث بخش خاص مرستيال طارق باجوہ ، د سټېټ بانك ګورنر جمیل احمد، د خزانې سېكتر ٬ د اېف بي آر چيئرمېن او نور اړوند چارواكي هم موجود وو۔ په غونډه كښې د آئي اېم اېف د پراخا فنډ آسانۍ (اي اېف سي) لاندې 9 مې جائزې لپاره د پاكستان د معيشت مالياتي او اصلاحاتي جاج واخستے شو۔ د خزانې وزير د آئي اېم اېف پلاوي ته هركلې ووې او د پاكستان او آئي اېم اېف ترمينځه د ملګرتيا په اړيكو يۍ رڼا واچوله۔ د خزانې وزير په پرله پسې مذاكراتو كولو د آئي اېم اېف مېنجنګ ډائرېکټر مننه وكړه۔ ده د 9 مې جائزې په بشپړولو كښې آئي اېم اېف ته د حكومت لخوا د ملاتړ او مرستې باور وركړو۔ د آئي اېم اېف مشن چيف هيله ښكاره كړه چې حكومت به د آئي اېم اېف د غوښتنو له مخې 9 مه جائزه بشپړ كړي۔ ده هيله ولرله چې پاكستان به په بېلو بېلو څانګو د اصلاحاتو لړۍ روانه ساتي او د آئي اېم اېف پروګرام به په وخت بشپړ كړي۔ نېتھن پورټر ووئيل چې په مالياتي اصلاحاتو به پاكستان په ګډه كار وكړے شي
پاكستان آئي اېم اېف سره د پروګرام تر پايې رسولو عزم لري٬ د خزانې وفاقي وزير سېنېټر اسحاق ډار
مضمون کا ماخذ : سمندری ڈاکو گولڈ
متعلقہ مضامین
