اسلام آباد۔18مئی(اے پی پی) وزيراعظم شهباز شريف د ایران اسلامی جمهوریت سره د مخ په زياتېدونكې همكارۍ په اهميت زور راوړلو سره وئيلي دي د انرژۍ پروژې او سرحدی بازارونه د پاكستان ايران ملګرتيا ښكاره نښانې دي٬ پاکستان له ایران سره په بېلا بېلو برخو کښې د اړیکو پراختیا او د افغانستان په ګډون د سیمې سوکالۍ ته د ودې وركولو عزم لري۔ دا خبره ده د ایران د اسلامي جمهوریت خبري اژانس (ارنا) سره په یوه خصوصي مرکه کښې وکړه كومه چې د زيارت په ورځ خپره شوه۔ وزيراعظم ووئيل پاكستان او ايران يو بل سره په ژورو مذهبي، كلتوري او لساني اړيكو تړلي دي٬ د دواړو هېوادونو حكومتونه د خپلو اولسونو د خېر ښېګړې او د سماجي او اقتصادي پرمختګ لپاره نزدې همكارۍ ته وده وركوي۔ وزيراعظم ووئيل د مند- پشين بارډر مارکيټ او پولان -ګبد د انرژۍ پروژې د شريك عزم څرګندونه ده۔ د مند –پشين پشمول په پوله جوړ كړي نور بازارونه به نه يواځې زمونږ د پوله ايزې سيمو سماجي وضعه ښه كړي بلكې ځايې كاروبارونو له نوو موقعو له به وده هم وركړي۔ دا بازارونه به د دواړو هېوادونو ترمينځه په خاص توګه اقتصادي برخه كښې همكاري مخ په وړاندې بوځي۔ د يوې پوښتنې په ځواب كښې وزيراعظم ووئيل زه كلك باور لرم چې دوه اړخيزه تجارت هغه څانګه ده په كومه كښې به چې مونږ له خپلې هڅې ګړندۍ كول او خپل اجتماعي توان او وسائل كارول وي۔ ده ووئيل تجارتي صلاحيت عملي كولو له دلته زيات ګنجائش شته۔ پاكستان او ايران د 5 اربه كلن تجارتي حجم ترلاسه كولو عزم لري٬ په دې لړ كښې بارډر مېكنزم فعاله كول يو مهم ګام دے۔ ده ووئيل تېر كال د اګست مياشت كښې په اسلام آباد كښې د شوي اقتصادي كمېشن 21 مې غونډې په مهال دواړو هېوادونو په زړه پورې پېشرفت كړے٬ دا رفتار به لا ګړندے كول وي۔ وزیراعظم په خپل ريماركس كښې ووئيل زه په دې موقع د ايران او سعودي حكومتونو ترمينځه د سفارتي اړيكو په بحالۍ دواړو هېوادونو ته مباركي وركوم۔ دا سنګ ميل د ايران او سعودي عربستان د مشرتابه د زيركتيا او د چين د قدر وړ كردار ښكاره ثبوت دے۔ ده ووئيل باور لرم چې دا پېشرفت به سيمه ايز امن او سوكالۍ لپاره مهم كردار ترسره كړي۔ وزيراعظم دا باور څرګند كړو چې د بولان ګوادر برېښنا منصوبه د پاك ايران ملګرتيا پياوړې كېدو عكاسي كوي۔ ده ووئيل د دواړو هېوادونو ترمينځه په ټولو څانګو او په خاص توګه سيمه ايز تجارت ٬ ټرانزټ او خپلو كښې تړون ته وده وركولو او د دې لا پياوړې كولو له به خپلې چارې روانې ساتوو۔ د يوې پوښتنې په ځواب كښې وزيراعظم ووئيل ستر فلسفی شاعر علامه اقبالؒ افغانستان د آسيا زړه بللے ؤ ٬ څنګه چې يو صحتمند زړه متحرك بدن په برقرار ساتي دغسې يو سوله ايز او مستحكم افغانستان سره سيمه ايز امن او سوكالي تړلې ده۔ شهباز شریف ووئيل پاكستان د افغانستان په شمول د منطقې سوكالۍ ته د ودې وركولو عزم لري۔ ده زياته كړه چې دا مهال افغانستان امنيتي ٬ اقتصادي او بشري څانګو كښې كړكېچونو چېلنجونو سره مخ دے٬ 28 ملینه څخه زيات نفر او د افغانستان په درېو كښې دوه برخه آبادي ژونده ساتلو له فوري بشري مرستې ته اړتيا ده۔ د ترهګرۍ لعنت د افغانستان د بې ګناه وګړو ژوند له مينځه وړے۔ ده ووئيل نړيوالې ورورلۍ له به په دې سخت وخت كښې افغانستان سره اودرېدل وي۔ ده ووئيل مونږ د نړيوالې ورورلۍ د ترجيحاتو درجه بندۍ له يو متوازن نكته نظر ته اړتيا لرؤ په كوم كښې به چې د ترهګرۍ مخنيوي ٬ د نشائي توكو مخنيوي او غوره طرز حكمرانۍ ته وده وركول شامل وي۔ ده ووئيل نړيواله ورورولي دې افغان اولس لپاره تلپاتې اقتصادي راهدارۍ ته د ودې وركولو په لړ كښې خپل كردار ترسره كړي۔ ده ووئيل د پاكستان او ايران پشمول د افغانستان ګاونډي هېوادونه په دې لړ كښې مهم كردار لري۔ وزیراعظم په دې خبره خوشحالي ښكاره كړه چې د ايران نيوز ايجنسۍ ”ارنا” او د پاكستان قومي خبر رسنې ادارې ”اېسوسی اېټډ پرېس آف پاکستان (اے پی پی) په دې وروستيو كښې د ميډيا په څانګه كښې همكارۍ ته وده وركولو له يوه لوظنامه لاس ليك كړې ۔ ده ووئيل د ټي وي ، فلمز، سېنما، ادبي او لسانی ادارو ترمينځه د همكارۍ زياتولو له په دا ډول لوظنامو بحث روان دے۔ دا لوظنامې به زمونږ كلتور او روايات په حقيقي توګه وړاندې كولو له مرستياله وګرځي او د دواړو اولسونو ترمينځه د ملګرتي او يووالي اړيكې به لا قوي كړي
د توان منصوبې او په پوله جوړېدونكې بازارونه د پاك ايران د زړه پورې ملګرتيا نښانې دي٬ پاكستان ايران سره اړيكو او د منطقې سوكالۍ ته د ودې وركولو عزم لري٬ د وزيراعظم شهبازشريف ”اِرنا” سره مركه
مضمون کا ماخذ : کراچی لاٹری
متعلقہ مضامین
.jpg)
.jpg)
