اسلام آباد۔29جولائی (اے پی پی):وزیر مملکت اطلاعات و نشریات فرخ حبیب آکھیے جو جنگ کہیں مسئلے دا حل کائنی ، امن کوں موقع ݙیوݨا ہوسی،پاکستان چاہندے جو افغانستان اچ سارے سٹیک ہولڈرز دی نمائندہ حکومت ہووے ، پرامن افغانستان ،پاکستان دے مفاد وچ ھے ،افغانستان دے عوام خاص طور تے نینگراں کوں ترقی دے ہکو سویں موقع ملݨے چاہیدن ، اڄ وی 30لکھ افغ??ن مہاجرین کوں پاکستان داحصہ بݨایا ہویا اے ، سابق فاٹا تے ٻئے علاقیں دے عوام اتے افغانیاں دے درمیان ہزاراں سال پراݨے تعلقات ہن ، ایں تاریخ کوں کہیں صورت نظر انداز نی کرسڳدے ، او خمیس کوں پی این سی اے اچ” پاک افغ??ن میڈیا کنکلیو “توں خطاب کریندے پئے ہن ۔وزیر مملکت فرخ حبیب آکھیے جو افغانستان پاکستان دا بھرا ہمسایہ ملک اے ،اے مسلمہ حقیقت اے جیں کوں بدالیا نی ونڄ سڳدا ،پاکستان اتے افغانستان کٹھے رہݨا اے۔ انہاں آکھیے جو پاکستان دی کوشش اے جو افغانستان دے اندر امن قائم تھیوے،امریکی افواج دے انخلاء توں بعد ھک ایجھی حکومت بݨے جیڑھی جو افغانستان دے سارے سٹیک ہولڈرز دی نمائندہ حکومت ہووے۔ انہاں آکھیے جو کئی ݙھاکیں توں افغانستان اچ جنگ دی صورتحال ہ??ی، ایں صورتحال اچ افغانستان دے لوک ترقی اچ پچھوں رہ ڳئن ، ہݨ افغان عوام خاص طور تے نینگراں کوں ترقی دے مساوی مواقع ݙیوݨ ویلھے دی اہم لوڑھ اے ، انہاں آکھیے جو پاکستان دی موجودہ حکومت اتے عمران خان افغانستان اچ افغان عوام دی مرضی آلی حکومت دی حمایت کریندن ۔ انہاں آکھیے اساں چاہندوں جو افغانستان دے میڈیا دی ا??تعداد کار اچ ودھارے کیتے تربیتی نشتاں دا انعقاد کیتا ونڄے ۔ ایں ضمن اچ وزارت اطلاعات و نشریات دی خدمات حاضر ہن ۔انہاں آکھیے جو ھک ݙوجھے نال ملاقاتاں توں کمیونیکشن گیپ ختم اتے ھک ݙوجھے کوں سمجھݨ اچ مدد ملدی اے ۔
جنگ کہیں مسئلے دا حل کائنی ، امن کوں موقع ݙیوݨا ہوسی،پاکستان چاہندے جو افغانستان اچ سارے سٹیک ہولڈرز دی نمائندہ حکومت ہووے، وزیر مملکت اطلاعات و نشریات فرخ حبیب
مضمون کا ماخذ : میگا ملینز کے نمبر
متعلقہ مضامین
