جنېوا۔9جنوری(اے پی پی) وزيراعظم شهباز شريف به نن (د ګل ورځ) په جنېوا كښې يوه مصروفه ورځ تېره كړي۔ د وزيراعظم د دفتر د ميډيا ونګ لخوا جاري شوي بيان له مخې وزيراعظم به نن د ملګرو ملتونو عمومي سېكتر انتونيو ګوترېس سره په ګډه د پاكستان په بيا رغونه او بحالۍ كښې د همكارۍ په سرخط د يو نړيوال كنفرنس كوربتوب كوي۔ وزيراعظم به دې كنفرنس ته وېنا هم كوي۔ پاکستان به په کنفرنس کښې د سېلاب ځپلو سیمو د بیا رغونې او بحالۍ فرېم ورك وړاندې كوي او د دې عملي کولو لپاره به د نړیوالې همکارۍ او اوږدمهاله همکاریو په اهمیت زور راوړي۔ په كنفرنس كښې د لوړې كچې پرانستې غونډې څخه وروستو په باضابطه توګه د بيا رغونې او بحالۍ كښې د همكارۍ دستاوېز وړاندې كولې شي او دې څخه وروستو به د پارټنر سپورټ اعلانونه كولې شي۔ بيا به وزيراعظم او د ملګرو ملتونو عمومي سېكتر د ګډې خبري كنفرنس كښې ګډون كوي۔وزیرِ اعظم به دې سره سره په كنفرنس كښې د ګډون كوؤنكو پلاويو مشرانو او د لوړې كچې چارواكو سره دوه اړخيزه ملاقاتونه كوي۔ دغسې وزیرِ اعظم به د سوئزرلېنډ فېډرل کونسلر اګنازیو کېسس او د اسلامک ډوېلپمنټ بنک صدر ډاکټر محمد الجاسر ٬ د ازبکستان خارجه وزير بختیار سیدوف، د برطانیې د ډوېلپمنټ وزير مچل ٬ د چائنا انټرنېشنل کواپریشن اېجنسۍ چیئرمېن لو زائو ہوئی، د يو اېس اېډ دوهم اېډمنسټریټر ایزابیل کولمین ، سوئيلي آسيا لپاره د نړيوال بانك دوهم صدر مارټن ریئزر سره هم ملاقاتونه كوي۔
وزیر اعظم شهباز شریف به نن په جنېوا كښې يوه مصروفه ورځ تېروي
مضمون کا ماخذ : لکی لیڈیز چارم
متعلقہ مضامین
